CAGAYAN DE ORO CITY-Patay ang 39-anyos nga asawa human gidunggab sa iyang bana sa Purok 17, Dayawan, Villlanueva Misamis Oriental.
Matud ni C/Insp Rogelio Manalang, hepe sa Villanueva Municipal Police Station nga gidunggab-patay sa suspek nga si Joy Pulutan, 42-anyos ang asawa niini nga si Jackilyn Pulutan.
Selos ang gilantaw nga anggulo sa kapolisan sa pagpatay sa biktima human magduda ang suspek nga naa kini laing lalake.
Human sa krimen, gilayong naghikog ang suspek pinaagi sa pagdunggab sa iyang dughan.
Sa pagkakaron, kritikal nga nagpaalim sa Northern Mindanao Medical Center ang suspetsado.
