CAGAYAN DE ORO CITY-Kasubo karon ang gihambin sa pamilyang Amoguis diha sa Brgy Cabangasan,Balingoan,Misamis Oriental.
Kini human namatay tungod sa pagkaigo sa kilat ang biktima nga si Julieta Amoguis samtang may giibot nga electronic
gadget sulod sa pinuy-anan sa maong dapit.
Naigo usab sa kilat ang anak sa biktima nga si Lino Amoguis Jr diin kasamtangang gipaubos sa medikasyon sa ospital sa maong lungsod.
Una niini,gidala pa sa ospital si Julieta aron maluwas sa iyang mga paso sa kilat apan wala kini maka-agwanta hinungdan sa pagkamatay niini.
