CAGAYAN DE ORO CITY-Wala na makasaulog sa pagsugat sa Domingo sa pagkabanhaw sa Ginoo ang ginang nga taga-lungsod sa Alubijid,Misamis Oriental.
Kini human kalit namatay dihang giingong natuk-an samtang nagkaon sa paniudto diha sa Brgy Agusan sa syudad.Giila ang biktima nga si Rosalinda Lupeba,53 anyos minyo ug nagpuyo sa Purok 7,Brgy Lumbo sa maong lalawigan.
Gikasabot ni Lupeba ang iyang paryente nga mangaligo sa swimming pool sa Jasaan ning lalawigan hinungdan nga midalikyat kini sa syudad alang sa maong katuyuan kagahapon sa udto.
Gidala pa sa Northern Mindanao Medical Center ang biktima apan pakyas nang masalbar sa mga doktor.
