CAGAYAN DE ORO CITY-Patay ang usa ka ginang samtang laing unom ang samaron sa pagbangga sa kolor pula nga pick-up vehicle sa punuan sa lubi sa Sitio Puntagorda,Brgy Hermano,Balingasag,Misamis Oriental kaganihang kadlawon.
Kini human gitoohan nga nakatulog ang driver nga si Raymond Baysac rason nga mibangga sa punuan sa lubi sa lugar.
Gibutyag ni Police C/Insp Ismael Gundaya,hepe sa Balingasag Police Station nga naila ang namatay nga si Josefa Baysac Paez,38 anyos nga taga-Iligan City.
Namahayag si Gundaya nga tungod sa pagduka sa driver,naglisod kini sa pag-maneho sa kurbada nga bahin sa sakyanan.
Samaron usab ang mag-amahan nga si Juanito Jr ug Sr Baysac;Luzviminda Baysac,Alexandra Baysac;Loreta Paez ug Rupiha Maratos nga pulos taga-Iligan City diin nadala sa ospital sa maong lugar kaganihang kadlawon.
