CAGAYAN DE ORO CITY-Atubangon sa driver sa motorsiklo ang kasong kriminal tungod sa kamatayon sa usa ka babaye ug pagkaangol sa kauban niining ginang sa Brgy Mandangoa,Balingasag,Misamis Oriental.
Giila ang namatay’ng biktima nga si Paquita Payla,hingkod ang panuigon samtang gipaubos pa sa medikasyon si Teresita Cagalawan.
Namahayag si Balingasag Police Station commander C/Insp Julito Caseres nga maoy ilang kasuhan ang suspek nga si John Rey Balbutin kinsa detinado na sa maong lungsod.
Kusog ang dagan sa suspek hinungdan nabanggaan ang duha ka biktima nga patabok lamang unta sa highway.
Dead on arrival si Payla nga nadala sa Misamis Oriental Provincial Hospital tungod sa seryoso nga mga bun-og ug samad nga naangkon niini sa iyang lawas.
