CAGAYAN DE ORO CITY – Wala na makaabot sa kasaulugan sa pasko ang 51 anyos nga ginang human gitoohang gi-atake sa balatian samtang gitabang sa mga doktor sa J.R Borja Memorial City Hospital ning syudad.
Kini human nasunog ang porsyon sa kusina sa pinuy-anan sa biktima nga si Neneng Avanceña diha sa Sitio Buena Oro,Brgy Macasndig kagahapon sa hapon.
Miingon si BFP-Nazareth Station commander SFO4 Erlin Fulido nga unang gitoohan sa mga silingan nga ang nagpasagdan nga giluto sa biktima ang hinungdan sa gamay’ng sunog.
Kini ang hinungdan nga kalit naglain ang pamati sa biktima ug paspas gidala sa ospital.Apan pag-abot sa bandang gabii,hingpit kining nabugtuan sa kinabuhi.
Mitala lamang sa 32-mil ang structural damage sa laing sunog nga natigayon ning syudad.
