CAGAYAN DE ORO CITY – Kasuhan sa illegal possession of firearms ang brgy kapitan nga naghupot sa illegal nga armas sa Gingoog City,Misamis Oriental.
Giila ni CIDG-MisOr operations head Lt Noel Oclarit ang suspek nga si Bal-ason Brgy Kapitan Panfilo Caresosa,hingkod ang panuigon ug nagpuyo sa maong lugar.
Miingon si Oclarit nga kuyog ang MisOr Provincial Intelligence Branch ilang gisikop ang suspek diin nakuha ang kalibre 45 nga armas ug mga bala niini.
Dugang ni Oclarit nga gisikop nila si Caresosa tungod sa giingong pag-abusar sa katungdanan diin walay dokumento ang iyang gihuptang armas.
