(Update 2) CAGAYAN DE ORO CITY – Ubos na sa state of calamity ang tibuok dakbayan sa Gingoog,Misamis Oriental.Epekto kini sa pagbaha nga miigo sa sobra 20 ka brgy sa syudad gumikan sa mga pag-ulan sukad sa miaging semana.
Gibutyag ni Gingoog City Mayor Eric Cañosa nga tuyo niini nga paspas makalihok ang mga brgy pagtabang sa ilang mga residente nga apektado sa kalamidad.
Siya miingon nga anaa sa sobra 6-mil ka pamilya ang nahikling sa nagkadaiyang evacuation centers gumikan sa pagsulod sa tubig-baha sa ilang mga brgy.
Hinoon,pipila lang sa ilang residente ang nagbaton sa minor injuries apan walay namatay o missing.
Kabahin sa nasudlan sa mga pagbaha ang kabarangayan sa 13,16,17,18-A,19,20,22,22-A
23,24,24-A ug 25.
Apil usab apektado ang mga brgy sa Agay-ayan;Anakan;Daang-lungsod;Lunao;San Juan;San Luis;Santiago;Talisay,Mimbalagon ug Tinulungan.
Una usab niini,may tag-21 ka pamilya usab ka pamilya ang apektado sa pagbaha sa lungsod sa Balingasag ug El Salvador City ning lalawigan kagahapong adlawa.
Samtang giawhag ni Provincial Gov. Peter Unabia ang katawhan nga namuyo sa floods ug landslide prone areas ug bisan sa coastal brgys nga kanunay ang ka-alerto diha sa Misamis Oriental.
Gihimo ni PDRRMO chief Fernando Dy Jr ang pasidaan tungod sa dakong ihap sa pamilya nga apektado sa Gingoog City ingon man sa Balingasag ug El Salvador City ning lalawigan.
Miingon si Dy nga modugay pa ang presensya sa shearline sa pila ka adlaw nga nagkahulugan nga mohatag pa kini sa daghang pag-ulan nga moresulta sa mga pagbaha.
Gikompirmar usab niini nga may pipila ka balay na ang naanod apan pabiling walay kinabuhi sa tawo nga missing o namatay tungod sa pagbaha.
