CAGAYAN DE ORO CITY – Wala magpauli si Police Captain Marilyn Pimentel, deputy station Commander sa Gingoog City Police Office sa pagdonar sa dugo sa Dugong Bombo, sa Don Restituto Central School, Gingoog City, sayo sa buntag.
Mi-angkon si Captain Pimentel nga obligasyon niyang magdonar ilabe na nga daghang pulis ang magkinahanglan sa dugo panahon sa emerhensiya, ug disgrasya sa paglusad sa ilang mga delikado nga operasyon.
Gawas niini, nagtoo si Captain Pimentel nga isip usa ka inahan, dili lang iyang lawas ang makatagamtam sa maayong epekto sa pagdonar sa dugo apan, lakip na sa tawong makadawat sa iyang dugo.
