CAGAYAN DE ORO CITY-Mag-atubang sa bug-at nga silot ang mga ginikanan nga masapon nga magpasagad sa ilang mga anak.
Kini human mapasar na ang City Ordinance 13195-2017 kon Parental Responsibility Code of Cagayan de Oro nga unang gi-draft ni Oro Youth Development Council chairperson Atty Ernesto Neri.
Si Atty Neri miingon nga maoy silotan ang mga ginikanan nga mag-abandonar sa ilang mga anak, gamiton ang anak sa krimen, mga anak nga dili pa-ekswelahon ug daghan pang uban.
Dugtong niini, giawhag ni Neri ang mga ginikanan nga motambong sa Parental Service Sessions sa matag barangay alang sa dugang kasayuran.
Samtang gibutyag sa City Social Welfare and Development officer nga si Trejan Noli nga ang ilang ahensiya maoy gitahasan nga mag-record sa mga krimen nga gahimoon sa mga ginikanan sa ilang anak.
Matud ni Noli nga naa sila’y sistema nga gamiton nga mapadali ang pag-locate sa record mga ginikanan kun ugaling may nasupak sila sa city ordinance aron mas mapadali ang pagsilot kanila ilabina kung wala sila’y aksiyon nga pagahimoon.
