Nagpahimangno ang mental health professional nga si CJ Carl Salcedo nga dili angay kondenahon dayon ang pagdula og dulaang pusil ilabi na karong ber months diin daghan ang naghunahuna og regalo para sa mga bata.
Sumala ni Salcedo, dako og tabang sa huna-huna ug pagtuon sa bata ang pretend play samtang nagdula.
Apan taliwala sa mga kontrobersyal nga shooting incident, gipasiugda sa opisyal nga kinahanglan ang makanunayong paggiya sa mga hamtong aron masabtan sa bata nga kini dulaan lamang ug dili angay gamiton sa pagpanakit.
Dugang pa ni Salcedo, kinahanglang tudloan ang mga anak sa saktong paggamit sa dulaan aron malikayan ang bisan unsang matang sa kaaway o kagubot.
