CAGAYAN DE ORO CITY-Gitin-aw ni PRO-10 spokesperson PSupt Surki Serenias nga dili makadaut sa ilang police records ang mga tambay nga madakpan sa mga pulis sa tibook rehiyon.
Siya miingon nga dili krimen ang pagsupak sa lokal ordinance sa matag munisipyo apan kinahanglan gihapon kang silotan kun ugaling makasupak ka niini.
Dugang pa ni Serenias nga dili makahugaw sa police clearance sa mga madakpang tambay kun ugaling kabahin sila sa mga maaresto.
Samtang suportado sa kapulisan ang laraw sa Department of Social Welfare and Development nga silotan ang mga ginikanan sa mga menor de edad nga madakpan atol sa anti-tambay drive operation.
Matud ni Serenias nga naalarma sila tungod kay katunga sa ilang mga madakpan nga gasupak sa city ordinance, kadaghanan kanila mga menor de edad.
Tungod niini, mas maayo matud pa nga silotan ang mga ginikanan ilabina nga responsibilidad niini ang pagbantay sa ilang mga anak.
