Gipamugos ni Cagayan de Oro First Taxi Drivers and Operators Association o CAFITADA President BernieJamaca nga kinahanglang idili sa mga pampublikong pilahanan sa syudad ang mga bag-ong Green GSM Taxi aron mapanalipdan ang panginabuhian sa mga lokal nga drayber.
Gitino sa opisyal nga dinalian kini nga lakang aron dili maapsan ug dili maipit ang kita sa mga gagmayng drayber sa Cagayan de Oro batok sa mga sakyanan nga nakabase ra usab sa lungsod sa El Salvador.
Gitin-aw sa opisyal nga gitugotan lamang nga makakuha og pasahero ang maong mga berde nga taxi pinaagi sa online booking app apan hugot nga gidili ang pagkuha sa mga sumasakay sa karsada o ang pag-ali sa linya sa mga puting taxi.
Tungod niini, makipag-alayon ang pundok sa kagamhanan sa dakbayan aron opisyal nga mapatuman ang maong regulasyon alang sa seguridad sa mga lokal nga drayber.
