CAGAYAN DE ORO CITY – Gisugyot sa kapolisan nga ipaubos sa otopsiya aron masuta ang rason sa kamatayon sa medical representative nga nakit-ang dugta na ang lawas sa kasagbutang bahin sa Sitio Upper Paglaum,Brgy Indahag ning syudad.
Kini aron magamit sa pamilya sa biktima nga si Gilbert Arcebal,33 anyos,taga-Brgy Kinawe,Libona,Bukidnon sa iyang pamilya ang resulta sa pagsang-at kaso batok sa mihimo sa kremin.
Miingon si Master Sgt Niel Apollo de las Alas,investigator sa Cogon Police Station nga dakong posibilidad nga gipatay ang biktima mismo sa crime scene.
Una nang midangop ang pamilya ni Arcebal sa Cogon Police Station kay missing kini sukad Abril 17.
Hisayrang nawala ang gipanag-iya nga motorsiklo apan nakasul-ob helmet ang biktima dihang napalgan sa mga bata nga nag-jogging ang lawas niini sa miaging Domingo sa buntag.
