Wala man makatambong si Pangulong Ferdinand Marcos Jr. sa Mindanao Business Conference apan nagpabilin nga masaligon ang Oro Chamber of Commerce tungod sa dakong pasalig gikan sa Mindanao Development Authority.
Gitin-aw ni Cagayanb de Oro Chamber, President, Engineer Almarico Brito nga nagpatawag og dinalian nga full cabinet meeting ang pangulo aron atubangon ang pag-ubos sa Gross Domestic Product ug mangandam alang sa budget season sa Kongreso.
Dugang pa niini, mibarog ang kalihim sa MinDA aron iduso ang tanang mga resolusyon nga gihimo sa nagkalain-laing regional chambers pinaagi sa pakigtambayayong sa mga hingtungdan nga opisina sa kagamhanan.
Mao nga tungod sa maong gipasalig nga tabang, gipanglantawan nga magmalampuson gihapon ang mga plano alang sa pagpalambo sa ekonomiya sa tibuok isla sa Mindanao.
