CAGAYAN DE ORO CITY – Walay lauaman nga ensaktong tubag apan kuyog si Cagayan de Oro 1st District Cong. Lordan nga mohimo’g pagpamakak sa Malakanyang kabahi sa nabulgar ni kanhi Pres Rodrigo Duterte nga halos 30 ka pahinang blangkong budget line items sa nasudnong pondo sa gobierno alang ning tuiga.
Kini ang tubag ni Balaba sa sulti ni Suan nga angay mohunong na sa pagpakatag sa fake news ug motabang sa pagpangita’g mga sulbad sa daghang suliran dinhi sa dakbayan.
Miingon si Balaba nga tinood nga iyang gi-share ang social media post diin nagsulti si Suan nga daw namakak si Duterte sa pag-ingon nga depektoso ang 2025 national budget sa Marcos administration.
Kini tungod kay nagtoo siya gisulti ni Duterte ug wala kang Suan.
Siya miingon nga kon namakak si Marcos sa gibuglar ni Duterte,lauman usab nga susama ang ipanulti sa iyang mga alyado nga naglakip kang Suan.
Kini ang rason nga gihagit ni Girlie ang kongresista nga mohimo’g publikong anunsyo nga pag-alkontra sa expose sa kanhi presidentee kon nagtoo ang administrasyon nga walay dakong tinunto sa pondo ning tuiga.
Partida ni Balaba nga kon nasayop si Duterte,dili na kini maglangan sa pagpangayo’g pasaylo atubangan sa publiko.
Dumduman nga gitawag ni Suan nga e-responsable nga pagka-opisyal si Balaba gumikan sa pag-share sa maong social media content.
Apan alang kang Balaba,ensakto kini ug kon adunay angay motug-an sa tinood walay lain si Suan kabahin sa tinud-anay nga mani-obra sa naglangkob sa 2025 national budget.
