CAGAYAN DE ORO CITY – Nabulgar sa inahan usa sa mga sundalo nga namatay nga nakahaya sulod sa gym sa 4th ID,Philippine Army nga giingong miagi sa pagka-guba ang C-130 plane nga ilang gisakyan ayha nahagsa sa Patikul,Sulu sa miaging adlaw’ng Domingo.
Kini maoy pagsaysay sa inahan ni late PFC Vic Monera nga taga-Maramag,Bukidnon sa Bombo Radyo kaganiha sa udto.
Gibutyag ni Mrs Monera nga adlaw’ng Sababo pa unta makalarga ang iyang anak ug kaubang mga sundalo padulong sa misyon sa Sulu apan tungod kay giingong dunay depekto ang eroplano hinungdang nasibog kini sa pagka-adlaw’ng Domingo.
Miingon si Monera nga gikakurat niya pag-ayo kay igo na lamang niini nadunggan sa balita nga nahagsa na ang gisakyan nga eroplano ug kabahin ang iyang anak nga naapil sa nakabsan sa kinabuhi.
