Nakabalik na sa trabaho si Department of Justice (DOJ) Undersecretary Jojo Cadiz niadtong Enero 5.
Namahayag si Justice spokesperson Polo Martinez, nagpabilin gihapon nga undersecretary sa Immigration and Special Concerns Cluster si Cadiz.
Nahinumdoman nga sa usa ka video message ni kanhi Ako Bicol Party-list Representative Elizaldy Co, niadtong miaging tuig, iyang gipadayag nga naghatud daw siya’g kwarta kang Cadiz isip bahin sa kickback sharing o suhol para kang President Ferdinand Marcos Jr.
Human sa pagpamahayag ni Co, misumiter dayon sa resignation si Cadiz.
Sa dihang gipangutana kung wala ba gidawat sa presidente ang resignation ni Cadiz, gipaubaya sa opisyal ang pagtubag sa Palasyo Malacañang tungod kay wala man gisumiter ni Cadiz ang iyang resignation letter sa ahensya.
