CAGAYAN DE ORO CITY-Gihuptan na sa kapolisan ang giya kon nganong gipusil ang 70-anyos nga kanhi giingong gun for hire nga gipusil-patay samtang anaa sulod sa payag sa Brgy Calawitan,Claveria,Misamis Oriental sa miaging gabii.
Giila ni Claveria Police Station commander Sr/Insp Dennis de los Santos ang biktima nga si Roque Canoy,minyo nga lumad taga-Jasaan ning lalawigan.Gikan sa lungsod sa Don Carlos,Bukidnon ang biktima dihang midalikyat sa Claveria ning lalawigan kay gihikay ang iyang ID sa senior citizen dihang gipusil sa wala mailang suspek.
Nakaangkon sa pinusilan sa ulo ang biktima hinungdan sa kamatayon niini.
Gisugyot sa kapolisan nga ipaubos sa otopsiya ang biktima samtang anaa sa punerarya sa lungsod sa Jasaan ning lalawigan.
