CAGAYAN DE ORO CITY– Gitratar nga normal ang adunay kinabuhi sa tawo nga makalas kon ang duha ka armadong pundok ang magka-engkuwentro gamit ang armas.
Ingon ani ang pagpasabot ni IFI Bishop Felixberto Calang sa nahitabong pag-ambush sa rebeldeng New People’s Army o NPA sa 3 ka sundalo sa Malaybalay City, Bukidnon sa miaging semana.
Mi-ingon si Calang nga kini ang hinungdan nga naningkamot sila nga grupo nga mahigugmaon sa kahusay’g kalinaw nga mahingusgan ang sinultihay sa kalinaw hangtod makab-ot ang sulbad sa gubat-sibil dinhi sa nasud.
Una nang gikondenar sa militar ug gikasuko ni Pres Rodrigo Duterte ang hinimuan sa mga NPA diin 76 ka higayong gipusil-patay ang mga sundalo nga sila si PFC Pat Non, Cpl Nino Christopher Talabor ug Sgt Owen Yee sa miaging semana.
