CAGAYAN DE ORO CITY, Philippines – Gideklarar na sa World Health Organization ang global public health emergency batok Monkey Pox o mas naila isip MPOX.
Gitin-aw ni WHO Director-General Tedros Adhanom Ghebreyesus nga ang deklarasyon nagsumikad sa hiniusang pagpaningkamot aron masanta ang posibleng pagkuyanap sa bayrus sa tibook kalibutan.
Lakip sa gibasehan sa alert ang mpox outbreak sa Aprika kundiin 524 ka tawo na ang patay, ilabe didto sa Congo.
Anaa sa high risk sa labing delikado nga balatian ang mga bag-ong himugso nga mga bata, mga bata, mga mabdos, ug kadtong dunay comorbities.
Sintomas sa mpox ang taas nga hilanat dungan ang pagpatim-aw sa dagkung hubag nga samad ug nuka sa lawas.
Makapatay ang mpox kung mapasagdan ug dili mahiling ang pasyente.
