CAGAYAN DE ORO CITY – Gihalaran sa hamili nga mga pag-ampo sa inter-faith rally leaders si detained former Pres Rodrigo Duterte sa Macasandig Boulevard ning syudad.
Kini human gipadayag sa Cagayanons ug Misamisnons ang ilang dakong pagpangga ug kahingawa sa gidangatan ni Duterte nga wala duphi apan paspas gitugyan sa Pilipinas sa International Criminal Court sa Netherlands tungod sa kasong crimes against humanity.
Gihimo sa Northern Mindanao-based political supporters ni Duterte ang maong lakang isip pagduyog sa Global Tribute to Tatay Digong sa iyang ika-80 anyos nga adlaw’ng natawhan karong adlawa.
Una na nang namulong si 2nd District Councilor Girlie Balaba nga sa wala pa ang mini-concert,paghalad sa mga pag-ampo ug pagdalit sa birthday song kang Digong, mihimo una sa motorkada ang tulo ka biker groups palibot sa syudad aron sinyales sa dakong kalihukan ning adlawa.
Hisayrang gawas sa syudad, naglihok usab ang mga tigpaluyo gikan sa Misamis Occidental,Lanao del Norte,Bukidnon,Iligan City ingon man pipila ka lungsod sa Misamis Oriental alang sa ilang kaugalingong suporta sa kanhi presidente.
