CAGAYAN DE ORO CITY – Pagtugot lang ni Pres Bongbong Marcos ang gihulat sa iyang bayaw nga taga-Cagayan de Oro nga tinudlo usab isip administrador sa Phividec nga nakabase sa lungsod sa Tagoloan,Misamis Oriental.
Kini ang tubag sa administrador nunot sa walay hunong nga pag-ipit kaniya sa sa local media kon nakahukom na siya pagsulod sa politika dinhi sa dakbayan.
Miingon si Bernedo kinsa bana sa kamanghurang igsoon sa Marcoses nga si Aimee Marcos nga anaa sa duha ka dagkong mga politiko nga nakabase sa syudad ang nangimbitar kaniya alang sa usa ka panagtagbo.
Apan tungod sa kapuno sa iyang mga kalihukan sa Phividec,giingong wala pa niya kini matungahi pero wala siya’y plano nga balibaran ang mga imbitasyon.
Siya miingon nga kon mohatag go signal si Pres Marcos ug mismo ang iyang kapikas nga si Aimee,dili kini mobalibad sa paghanyag sa kaugalingon aron sudlan ang politika sa dakbayan.
Unang gipangutana ang kapikas niinin nga si Aimee kon intresado kini sa politika apan miprangka nga mas interes niya ang hapsay nga kinabuhi rason nga milaylo kini sa kauluhan ug mipuyo dinhi sa dakbayan.
Kini ang rason nga nabalhin ang huyop sa hangin ug kang Bernedo kinsa lumad taga- Cagayan de Oro ang atensyon kon intresado ba kini sa pagsulod sa politika.
