Irresponsable ug walay katakos ang kasamtangang pamunoan sa nasod taliwala sa gihimong pag-oktaba sa Barangay ug Sangguniang Kabataan Elections.
Mao kini ang hait nga pagsaway ni Atty. Samson So Tan sa Liceo de Cagayan University College of Law, diin gipasabot sa abogado nga nagpakita lamang kini sa kapakyas sa gobyerno sa pagdumala sa mga importanteng isyu sa nasod sama sa pagpangandam sa mga kalamidad.
Tungod niini, gipahayag sa maong abogado nga bisan pa man kon usa ka lokal nga butang ang piniliay sa barangay, adunay dako gihapon kini nga epekto sa pamunoan sa tibuok nasod.
Dungan pa sa abogado nga ang pagpahunong sa eleksyon nagpakita lamang sa kawalay kaakuhan sa mga naggunit sa pwesto sa gobyerno karon.
