Kung naay security on anti-terrorism kinahanglang aduna say security in child protection, kini ang kusganong awhag ni Kyle Chester Javier Cotacte gikan sa Oro Youth Development Council.
Gitin-aw ni Cotacte nga bisan paman adunay mga age restrictions sa mga gaming platforms, kulang gihapon kini og oversight aron masiguro nga ang mga 10 anyos nga bata nga anaa sa Grade 4 dili makadula uban sa mga hamtong nga nagpangidaron og 18, 22, hangtud sa 42 anyos.
Gumikan niini, gihatagan og gibug-aton sa opisyal ang panginahanglan nga tutokan sa gobyerno ang pag-regulate sa mga dula aron mapanalipdan ang mga batan-on gikan sa posibleng peligro sa online world.
Pinasikad sa maong sitwasyon, gipangayo niya ang usa ka mas lig-on nga mekanismo sa seguridad nga mopatigbabaw sa proteksyon sa kabataan batok sa mga daotang impluwensya sa internet.
