Nagpadumdum si Presidente Ferdinand Marcos Jr sa tanan kaliwatang-pinoy kung unsa ka bilinhon ang pagselebrar sa kaugalignan sa Pilipinas.
Sa pagpangulo sa ika-128 nga anibersaryo sa 1898 Philippine Independence, didto sa Quirino Grandstand, iyang gihimo pananglitan ang mabayanihong sakripisyo nila Tamblot, Dagohoy, ug Gabriela Silang nagpakita sa kaisog alang sa kagawasan human napaubos sa gahum sa mga kolonyalista, kapin 300 na ang nakalabay.
Iyang gipalanog ang kagamhanan sa Pilipinas ubos sa Katipunan kundiin si Heneral Emilio Aguinaldo ang nakapahiusa sa katawhan ug nakapahimo sa proklamasyon sa kalayaan sa Kawit, Cavite niadtong 1898.
Miingon ang Presidente nga ang kaugalignan dili lang pagtan-aw sa kagahapon, kundili pundasyon sa kasamtangan ug sa umaabot nga panahon.
Gipahinumdom niya nga ang tinuod nga lider nagsakripisyo alang sa katawhan ug ang kagawasan nga kinahanglan ampingan. Giila niya ang mga hagit sama sa kurapsyon, pagkakabus, ug climate change. Nagpabilin ang iyang pagtuo sa abilidad sa mga Pilipino sa pagresolbar sa nga bug-at nga suliran sa katilingban.
Usa sa pananglitan ang mga higayon nga mu-igo ang kalamidad sa Pilipinas, ug iyang nakita ang paghiusa ug pagtinabangay sa katawhan.
Iyang gihangyo ang kaliwatang Pinoy nga dili mapul-an sa paghigugma ug pagpili sa Pilipinas, ug magpabilin nga matinud-anon.
Gitapos ni Marcos ang iyang Kalayaan Speech pinaagi sa pag-ingon nga ang kagawasan nga nahuptan sa nasud nagsumikad sa dugo sa mga bayani ug kini magpabilin nga giya sa pagmugna sa Bag-ong Pilipinas.
