CAGAYAN DE ORO CITY – Gikalipay ni Senate blue ribbon committee chairman Sen. Richard Gordon ang pagpapha ni Pres Rodrigo Duterte kang Bureau of Corrections o BuCor chief Nicanor Faeldon.
Kini human supaka ni Faeldon ang mando ni Duterte nga dili una mo-release sa convicted criminals sa New Bilibid Prison o NBP gamit ang Good Conduct Time Allowance Act o GCTA law.
Lakip usab sa gikalipay ni Gordon ang mando ni Duterte nga ipasikop pagbalik ang mil-700 ka convicted criminals nga gibuhian sa BuCor officials.
Samtang nakauyon si Citizens Watch for Good Governance o CWGG convenor Atty Antonio Soriano sa pagtangtang ni Duterte kang Faeldon.
Kini human unang gikasuko sa publiko ug gipanawagan kang Duterte nga paphaon sa katungdanan si Faeldon gumikan sa mga kahiwian sulod sa BuCor.
Miingon si Soriano nga Namahayag si Soriano nga naka-sentro lamang kang Faeldon ang kontrobersya apan nagsumikad ang maong kapalpakan sukad pa sa liderato ni kanhi Pres Noynoy Aquino.
