CAGAYAN DE ORO CITY – Luwas ra gikan sa peligro ang kinabuhi ni incumbent Lanao del Sur Governor Mamintal ‘Bombit’ Adiong Jr.
Kini human ambusa sa armadong grupo samtang gisubay ang Brgy Dilimbayan sa lungsod sa Maguing padulong sa tinuig nga kasaulugan sa silingang munisipyo sa Wao sa lalawigan kaganihang hapon.
Gibutyag ni Police Regional Office 10 spokesperson Police Maj Joann Navarro nga naigo si Adiong apan dili ra peligro hinungdang paspas nadala sa ospital sa Bukidnon ug lahos sa dinhi sa syudad.
Gihulat usab ni Navarro ang opisyal nga report gikan sa Lanao del Sur PNP kabahin sa hitabo ilabina nga may upat nga nataho nga namatay.
Apil sa mga namatay sila Juraij Adiong;Aga Sumandar;Jalil Cosain ug driver nga si Kobi.
Sa pagkutlo ning balita,wala matumbok sa mga otoridad ang hinungdan sa hitabo ug kon kinsa ang mihimo sa kremin.
