CAGAYAN DE ORO CITY – Giangkon nga mapaubsanon ni Misamis Oriental Gov. Juliette Uy ang iyang kasaypanan atubangan kang Limketkai Luxe Hotel General Manager Jerome De la Fuente.
Kini maoy pag-asoy ni Special Asst to the Governor’s Office nga si Celso Abucejo kabahin sa pagkadismaya ni De la Fuente nga naakusahan ni Uy ang ilang hotel nga naningil sa utang balor 48 million pesos ngadto kaniya nga binuhatan ni kanhi Gov. Peter Unabia.
Miingon si Abucejo nga nasipyat si Uy sa iyang paglitok kay gasoline station ang buot niya ipasabot nga anaa ang maong utang ap[an lahi ang napabati niini atubangan sa publiko sa miaging semana.
Apan nalipay sila kay gidawat sa hotel mngt ang ilang pagpangayo’g pasaylo ug hingpit nang nabalik ang maayong relasyon sa duha ka opisyal gikan sa publiko ug pribadong sector.
