Gipanghimakak ni Misamis Oriental Governor Juliet Uy ang mga alegasyon batok kaniya kabahin sa iligal nga mining activities sa probinsya.
Sa flag ceremony sa kapitolyo niadtong Lunes, giingon ni Uy nga walay kamatuoran ang pasangil nga siya kuno ang nag-ulo sa maong kalihokan.
Gipanghimakak usab niya ang paggamit sa mga ekipo sa kapitolyo alang sa ilegal nga pagmimina.Segun ni Uy, binugok lamang kini nga mga istorya.
Giingon usab niya nga imbis magpasiugda og walay basehan nga isyu, mas maayo unta nga magpokus ang mga opisyal sa Sangguniang Panlalawigan sa kaayohan ug kalamboan sa probinsya.
Sa iyang mensahe, mihangyo si Uy nga undangan na unta ang pagpamakak ug ang dili maayong pamatasan sa maong kampo nga, matod pa niya, wala nay laing nabuhat gawas sa pagpangdaot.
Para kaniya, mas maayo nga ipunting nalang niini ang oras sa paningkamot ug serbisyo publiko alang sa katawhan.
