CAGAYAN DE ORO CITY – Nag-atubang sa kasong pagsupak sa pagbaligya sa ilegal nga droga ang target priority drug personality nga unang nadakpan sa mga otoridad sa Malaybalay City,Bukidnon.
Giila ni Bukidnon Police Provincial Office spokesperson Major Breccia Ruth Townend ang dinakpan nga si alyas Cesar,45 anyos nga taga-Brgy Kalasungay sa maong dakbayan.
Nakuhaan sa 50 gramos nga gitoohang shabu balor 340-mil pesos nga street market value.
Nasuta nga empleyado sa gobierno nga nadestino sa civil security unit sa provincial govt ang dinakpan.
Napasayon ang pagsignit sa suspek tungod sa hiniusang operasyon sa City Drug Enforcement Unit sa Malaybalay City Police Station,PDEA Regional Office 10 Bukidnon Provincial Office,Bukidnon Provincial Intelligence Unit ug 1004th Regional Mobile Force Battalion 10.
