CAGAYAN DE ORO CITY – Wala wad-an sa kapolisan ang anggulo nga posibleng panimalos ang motibo kon nganong gipusil-patay ang casual employee sa munisipyo sa Talakag,Bukidnon.
Kini human kompirmaha nga kabahin ang biktima nga si Rey Abisado,55 anyos,minyo,taga-Brgy San Antonio nga akusado sa pagpusil-patay usab kaniadto kang Talakag Municipal Councilor Susan Gayonan sa miaging Hunyo 2021.
Miingon si Talakag Police Station investigator Corporal Anthony Aca nga gikonsiderar nila ang tanang anggulo kon nganong gipatay si Abisado aron mapadali ang pagsulbad sa kremin.
Una nang giatangan ang biktima gikan sa trabaho ug sa dihang kahigayon ang wala ilhing mga suspek,gipusil-patay kini sa miaging adlaw.
