Matagamtaman na sa mga mamumuo sa gobyerno ang medical allowance nga gisaad ni Presidente Ferdinand Marcos Jr.
Kini human gi-anunsyo sa Department of Budget and Management ang pagpagawas sa maong pundo aron magamit sa mga empleyado alang sa ilang pagpahiling ning tuiga.
Subay sa gi-aprubahan nga Budget Circular No. 2024-6, ang medical allowance ihatag sa mga trabahante sa managlahing ahensya sa gobyerno sama sa state universities ug colleges ug government-owned and controlled corporations.
Lakip sa makadawat sa maong benepisyo ang mga nanarbaho sa local water districts, bisan ang casuals, contractuals o job orders.
Niadtong Hulyo, namahayag si DBM Secretary Aminah Pangandaman nga kini nga kamanduan, pirmado ni President Marcos ubos sa Executive Order No. 64.
Anaa sa dul-an 10 Billion pesos ang gigahin sa DBM alang sa katumanan sa EO.(Bombo Anne Quileste).
