CAGAYAN DE ORO CITY – Pangunaya’g kaso sa Commission on Elections ang pipila ka government incumbent officials nga posibleng utok sa double o multiple registrations sa nagsingabot nga 2025 elections.
Kini ang panganti ni Comelec chairman George Garcia nunot sa sobra milyon nga pagsaka sa kuwestiyonable nga pagpang-rehistro nga naglakip na sa Brgy Carmen sa dakbayan.
Wala nganli ni Garcia apan iyang gihisgutan ang usa ka barangay kapitan nga responsabli paglugwa sa mga sertipikasyon nga kandidato pagka-kongresista sa unang distrito sa syudad.
Siya miingon nga nagsilbi kining conflict of interest sa mga naglugwa’g sertipikasyon nga brgy officials nga nagsilbi usab nga kandidato sa nagkadaiyang position sa piliay sunog tuig.
Siya miingon nga tataw kini nga kasupakan sa election laws rason nga kasuhan nila ang makit-an nga maoy utok niini.
Gawas sa ipasakang kaso, namiligro usab nga manga-diskuwalipikar ang maong mga opisyal sa piliay tungod sa ilang kalambigitan sa pag-isyu sa brgy certifications.
Dili lang sa Brgy Carmen apan bisan sa pipila ka bahin sa nasud ang adunay susama nga isyu sa miaging registration period.
Hisayrang bag-uhay pa na-resolbar sa Comelec ang opposition sa kampo ni Cagayan de Oro 1st District Cong. Lordan Suan batok kang Carmen Kapitan Kikang Uy diin unod sa reklamo niini ang libuang ka bag-ong botante nga nadugang sa iyang gidumala nga brgy.
