CAGAYAN DE ORO CITY – Giila ni Regional State Prosecutor Merlynn Uy nga pabiling ilegal ang pag-operate sa mga padula sa small town lottery o STL ubos Diamond Mellinium Corporation o DMC sa dinhi sa syudad ug lalawigan.
Kini kon basehan ang pagtugot ug gilugwa sa Philippine Charity Sweepstakes Office o PCSO nga authority to operate nga hawid sa kompanyang Hexaprime ug wala na sa DMC nga dunay-away nga legal sa korte.
Miingon si Uy nga dunay basehan ang mga pulis pagpangdakop kay makonsidera nga ilegal ang DMC gumikan sa walay kasamtangang pagtugot sa PCSO.
Una niini,halos 20 ka tellers ang gipangdakop sa mga pulis ubos sa DMC subay alang kanila ilegal nga nagpadula dinhi sa syudad ug lalawigan.
Samtang walay ilegal nga gibuhat apan misunod sa balaod ang DMC.
Kini ang tubag ni DMC chief legal counsel Atty. Dale Bryan Mordeno kabahin sa baruganan sa govt prosecutors nga naghupot sa napasakang mga kaso batok sa STL tellers nga gipangdakop ning sa syudad ug lalawigan ning semanaha.
Miingon si Mordeno nga pagmatood niini ang paglugwa sa status quo ante order gikan sa Korte Suprema nga nagpabor sa iyang mga kliyente.
Giklaro usab sa abogado nga dili sila supak nga misulod ug mipadula ang Hexaprime ug andam makig-dayalogo aron dili na modako pa ang isyu.
Hisayrang naluwatan usab sa DMC legal team nga kasuhan nila ang mga pulis nga midakop sa ilang STL tellers.
