MANILA – Masaligan ang Dept of Agriculture o DA nga hinay-hinay nang ma-ubsan ang presyo sa kada-kilo sa karneng baboy dungan sa pagsulod sa ber-months ning tuiga.
Kini human gibutyag ni DA Secreary Francisco ‘Kiko’ Laurel Jr nga nagsugod na sila sa paglusad sa pagbakuna sa mga baboy aron santaon ang pagkaylap sa African Swine Fever o ASF nga unang nagsumikad didto sa Luzon.
Miingon si Laurel nga migahin ang gobierno sa ASF vaccine sa 350-milyones pesos alang sa maong katuyuan.
Siya miingon nga hinoon,boluntaryo ang govt run vaccination ngadto sa mga magba-baboy nga gusto mopahimulos sa bakuna.
Hisayrang nalugi pagmaayo ang maong sektor sukad misulod ang ASF diin daghan sa mga rehiyon sa Pilipinas ang apektado nga naglakip dinhi sa Northern Mindanao.
