CAGAYAN DE ORO CITY – Gipasidan-an sa Commission on Elections 10 ang mga trabahante sa gobierno nga likayan ang bulgar nga pagpakita’g suporta sa gitoohan ug gisaligan nila nga mga kandidato sa 2025 elections.
Kini tungod kay adunay nakaung-ong nga mga silot administratibo kon may mohimo’g pagreklamo epekto sa pagkagamit opisina pabor sa usa ka kandidato.
Miingon si Comelec 10 regional lawyer Atty Gina Sabio nga particular nga gitumbok nila ang mga political propaganda nga i-agi sa social media.
Kini tungod kay mahimong ipamugos nga batakang katungod kini sa matag-usa apan dako diay nga kasupakan sa lagda sa Civil Service Commission ang gipakitang pagsuporta ngadto sa mga kandidato.
