CAGAYAN DE ORO CITY – Pagkapriso ug pagkapapha sa trabaho ang dangatan sa mga empleyado sa gobierno nga masapon ug makit-ang sad-an sa pagsupak sa Department of Interio and Local Government/ DILG memo circular nga hugtanong nagdili kanila molambigit sa online-sugal.
Kini ang pagpadumdom ni DILG-Misamis Oriental Provincial Director Engr. Marisia Naybe kabahin sa kamanduan sa ilang central office batok sa mikuyanap nga online-sugal diin daghang katawhan na ang apektado.
Namahayag si Naybe nga gawas sa ilang kaugalingon mga empleyado,apil sa mga gibantayan sa DILG mismo ang mga personahe sa Philippine National Police/PNP,Philippine Coast Guard/PCG,National Police Commission/NAPOLCOM,Bureau of Fire Protection/BFP ug uban pang ahensiya sa gobierno.
Hisayrang mismo ang simbahang Katoliko ang nagpalanog sa dakong kaalarma sa kalit nga pagtumaw sa maong klase sa pasugal diin sila nabalaka kay daghang mga pamilya ang mangabungkag.
