CAGAYAN DE ORO CITY – Patay ang grade 5 pupil human maligsan sa nakamotorsiklo nga pulis sa Purok 5 Brgy Lunao, Gingoog City.
Giila ang biktima nga si Jay-R Luzano, 11-anyos, molopyo sa maong dapit ug nagtungha sa Lunao Elementary School.
Sumala ni Gingoog City Police Station investigator Police Master Sgt Nestor Flores nga nagmaneho sa iyang motor si Police Staff Sgt. Jerry Rañada Gentillan, 44-anyos nga taga Brgy Bayabas ning syudad ug kasamtangang nadestino sa Police Highway Patrol team sa lalawigan dihang kalit nga mitabok ang bata nga miresulta sa disgrasya.
Dali pang gidala sa ospital ang biktima apan gideklara kini sa attending physician nga nakabsan na sa hinulamang kinabuhi.
