Gitabangan sa Department of Education sa Cagayan de Oro ug DSWD nga makatiwas sa pagtungha ang graduating nga Grade 6 pupil human sa nahitabong stabbing incident sulod sa Macabalan Elementary School.
Namahayag si DepEd CDO Program Director Head Romeo Aclo nga maayo na ang kondisyon sa biktima samtang ang nanunggab nga bata gidala sa DSWD diin gipausab ang pamaagi sa pag-tuon niini pinaagi sa Alternative Delivery Modes.
Gumikan niini, gipasabot sa opisyal nga parehong biktima sa sirkumstansya ang duha ka minor de edad mao nga gipahigayon ang psycho-social debriefing alang sa ilang kaayohan.
Samtang, gitin-aw sa buhatan nga dili manghilabot ang departamento sa padayon nga imbestigasyon ug kaso nga gihawiran sa kapolisan.
