CAGAYAN DE ORO CITY – Mahitabo karong Lunes ang GRAND HOMECOMING PARADE sa Toronto City, Canada.
Kini ang gikompirmar ni Jorge Nicholas, usa ka pinoy migrant sa Scarborough Toronto City, Ontario Canada.
Miingon si Nicholas nga ‘history in the making’ alang sa Canada ang kadaugan sa Toronto Raptors tungod kay mao pa kini ang ilang unang kadaugan isip kampeonato sa NBA league.
Gawas niini, kini pa sab ang unang higayon nga napukan sa usa ka outsider franchise o dili taga Estadus Unidos ang mga AMERICAN teams sa NBA.
Si Nicholas miingon nga proud ang tanan pinoy migrants sa kadaugan sa ilang team.
