Gipangandaman na sa Department of Agriculture (DA) ang SALO-SALO alang sa mga konsumidor sa tag-20 pesos per kilo nga bugas sa ahensya.
Ang programa gi-nganlana’g Benteng Bigas Mayroon Na o PBBM, ug kini ipahihayon sa Cebu.
Namahayag si Agriculture Secretary Francisco “Kiko” Tiu Laurel Jr., nga ang salo-salo musentro sa pagpakita sa publiko nga luwas, ug masustansya ang bugas nga gibaligya sa gobeyrno ubos sa programa ni Presidente Ferdinand Marcos Jr.
Sa dili pa ang salo-salo o dungan nga pagpangaon, mulusad una sa “ceremonial selling ang DA sa bugas sa managlahing syudad sa probinsya, ayha ang dungan nga pagpanga-on.
Ang salo-salo tambungan sa kadagkuan sa DA, mga opisyal sa probinsya ug syudad sa Cebu, kuyog ang mga kunsumidor nga mipalit sa baratong bugas.
