CAGAYAN DE ORO CITY – Gilamoy sa dakong sunog ang ikaduhang andana sa Graphics In All Store nga nahimutang sa Captain Vicente Roa Street,Brgy 24 ning syudad ning gabii lamang.
Subay sa paghulagway sa coverage team sa Bomb Radyo,nagsumikad ang tinubdan sa kalayo sa ikaduhang andana sa maong tindahan nga namaligya sa mga cellphone,appliances ug ubang mga baligya sa maong establisemento.
Hinoon,wala pa’y nahatag nga impormasyon ang Bureau of Fire Protection kung unsa ang rason sa pag-ulbo sa kalayo.
Anaa sa 15 ka fire trucks nga naglangkob sa publiko ug fire volunteer brigades ang nagtinabangay sa pagpalong sa kalayo.Dili hinoon suliran ang pagkaylap sa kalayo sa ubang bahin sa lugar kay distansya kini sa residential area.
Gihulat pa ang pahayag sa mga imbestigador sa BFP kung unsa ang posibleng hinungdan sa pagkasunog sa tindahan nga iya sa pamilya Chiu.
Sa pagkutlo ning balita, wala pa’y gilugwa nga structural damage ang BFP firefighers sa hitabo.Hisayrang sa miaging mga semana, naigo gihapon sa dakong sunog ang residential area sa maong brgy diin daghan mga pamilya ang apektado.
Hinoon,giingong under control na ang kalayo nga milamoy sa maong tindahan.
