CAGAYAN DE ORO CITY – Hurot kasunog ang mga talamnon ug kahoy sa nahitabong grass fire sa Richmond Heights Barangay Camaman-an sa syudad.
Gibutyag ni SFO3 Jeol Jimena, fire station commander sa Camaman-an Fire Station nga igo lang sila mi-back-up sa Nazareth Fire Station nga unang miresponder sa maong grassfire.
Muabot sa 1000 square meters ang gilapdon sa nasunog nga kasagbutan. Mga bata ang unang nagpakitabang sa mga bombero human makita nila ang baga nga aso sa bukid.
Mi-abot pa sa second alarm ang sunog nga nagsugod alas 2 sa hapon ug na-under control alas 5 ang takna sa hapon. Hinoon, walay tawong naangol sa maong insidente.
