Gisaway ni Atty. Neil Pacana, kanhi Misamis Oriental Provincial Legal Head, ang dagan sa impeachment trial ni Bise Presidente Sara Duterte diin matod pa niya wala gyud napamatud-an sa prosekusyon ang mga kasong grave threats ug inciting to sedition ubos sa Article 4.
Gipasabot niya nga ang mga gipresentang testigo sama kang NBI Senior Agent John Mark Calilong ug NBI-BARMM Regional Director Atty. Jeremy Lotoc kay nagbasi lamang sa mga instruksyon gikan sa ilang labaw ug sa mga nakita sa social media.
Gidugang pa niya nga ang NBI Director nga si Atty. Melvin Matibag kay walay personal nga kasayuran tungod kay puro pag-deny lang ang gibuhat niini sa pagdungog.
Gani, gibutyag usab niya nga tataw nga nakita ang mga bias o pabor-pabor sa korte tungod sa paggamit ug pagbasa sa affidavit ni Arturo Lascañas pinaagi sa NBI Director bisan pa nga wala kini ma-notaryuhan atubangan sa husgado ug wala ang mismong naghimo niini aron mapailalom sa cross-examination sa depensa.
