Gikondena sa Green Party of the Philippines ang padayong pagduso sa gobyerno sa mining activities taliwala sa mga kabalaka sa kalikasan.
Matud ni David D’Angelo, ang National Chairperson sa maong pundok, nga dili makatarunganon ang padayong pagtutok sa pagmina sa nasod bisan pa sa dako nga 1.9 billion nga investment gikan sa Canada.
Gipasabot ni D’Angelo nga supak niini ang mga residente sa Nueva Vizcaya ug uban pang mga lugar tungod kay ang pagmina nakadaot na sa mga kabundukan ug dili kini mamahimong responsable nga paagi sa pag-uswag.
Dugang pa sa maong opisyal, angay pangitaon sa administrasyon ang kasulbaran sa mga problema sa kinaiyahan imbes nga ipadayon ang mga proyekto nga makadaut sa atong mga kayutaan.
