Inadlawan na ang pagpahigayon sa price monitoring sa Department of Trade and Indusrty (DTI) -10 sa mga grocery stores ug merkado sa dakbayan sa Cagayan de Oro.
Kini ang gibutyag ni Atty Fel Lester Brillantes, ang hepe sa Consumer Protection Division, sa ahensya. Gipasabot ni Brillantes nga inay binulan, gihimo nilang matag-adlaw ang pagsusi sa mga presyo kay anaa sa syudad ang daghang mga patigayon ug dagsa sa mga basic goods.
Gitin-aw sa opisyal nga prayoridad sa monitoring sa DTI ang targetted key cities ug mga establishemento ning panahon sa krisis sa lana.
Dugtong niini, lakip sa sil-ipon sa ahensya ang abnormalidad sa presyo pinaagi sa pagkomparar sa mga price tags, verification counter ug ang “point of sale” sa mga tindahan.
Gilayong mag-isyu sa show cause order ang DTI kung ilang masapon nga adunay pagsaka sa presyo subay sa gisitar nga Suggested Retail Price (SRP).
Kung pananglitan dili ma-justigy sa tag-iya ang pagsaka sa presyo sa ilang mga produkto pwede silang multahan ug pasakaan ug kaso sa DTI.
