CAGAYAN DE ORO CITY – Sang-atan sa patung-patong nga kasong kriminal ang 3 ka drug pushers suspects nga nalambigit sa giingong pagpayuhot sa marijuana ug mga armas sa Brgy Guingona, Ozamiz City.
Kini human nasikop sa drug buy bust operation ang mga suspek nga sila si Ariel Bundaon;Lindon Bolante ug Rosevilla Villamor nga nagpuyo sa maong dapit.
Miingon si Ozamiz City Police Director C/Insp Jovie Espenido nga nakuha gikan sa mga suspek ang dul-ag libo ka stalks sa marijuana,3 ka kilo sa liso sa marijuana.
Nakuha usab gikan sa mga suspek ang upat ka cartridges sa caliber 380;8 ka cartridges sa 12 gauge shotgun;15 fired cartridges gikan .38 caliber ug daghan pang uban.
