Giawhag sa Concerned XU Alumni, Parents, and Teachers Inc. (COPTAC) ang Department of Environment and Natural Resources (DENR) nga ipahunong ang giplanong pag-develop sa 64.7-hectare nga Manresa campus sa Xavier University ilawom sa joint venture uban sa Cebu Landmasters Inc.
Sumala ni Atty. Ralph Metrillo, usa ka alumnus sa XU, ang Section 70 sa Commonwealth Act 141 nag-ingon nga ang maong yuta dili pwede ibaligya o ipa-lease para sa speculative use.
Giila niya nga ang yuta kinahanglan magpabilin nga gigamit alang sa edukasyon, charitable, ug philanthropic purposes. Busa, gisupak nila ang planong pagpatukod og usa ka commercial ug residential complex.
Nagpadayon matod pa ang panawagan sa grupo nga rebisahon ug hunongon ang proyekto samtang wala pay klaro ang legal nga basehan niini.
