Gidudahan sa grupo sa mga batan-on ang dako nga gasto sa gobyerno alang sa pagpangandam sa Barangay ug Sangguniang Kabataan Elections karong Nobyembre samtang aduna na usab planong pag-uktaba niini.
Giinsistir ni Liberal Youth Northern Mindanao Chairman Andre Josol nga dili katuhoan ang rason sa pipila ka kongresista bahin sa financial crisis tungod sa gubat sa Middle East.
Gibutyag sa batan-ong lider nga nakagasto na ang COMELEC og walo ka bilyon ka piso alang sa pagpangandam ug andam na unta ang tanan alang sa maong piniliay.
Tungod niini, gipadayag sa grupo nga posibleng adunay lahing agenda ang mga nagpaluyo sa sugyot nga ilangan ang election imbes nga ipadayon kini.
